حوارات الشباب للبنات <معروفة>

زائر

بسم اللة الرحمن الرحيم

الموضوع دا عن شباب < التهييس> اللى بيحبوا يحوروا على البنات كتير
كلامهم بيبقى معروف ومحفوظ عن ظهر قلب
ودى عينة عن اللى بيتقال فى الحوارات.
.................................................. ...

اول ماالولد يشوف البنت وتعجبه بيعمل ايه؟؟

1-حبيبتى انتى عارفه انا مش بحب حركات الشباب الطايش انا اصلا مبكلمش

بنات (وتلاقى طوب الارض يعرفه)
2-يااااه حاسس انى اعرفك من زمان(وهوتلاقيه متلخبط بينها وبين بنت كان

يعرفها قبل كده)

3-يااه يا حبيبتى حاسس ان فيكى حاجه غريبه غير كل البنات (اكنها مثلا بتمشى

على ايديها ورجليها )
4-يااااااااااااه حاسس ان فى شبه كبير بين افكارى و افكارك احنا اكيد مخلوقين

لبعض(طبعا دى البنت رقم 1000 اللى بيقولها كده اكن يا عينى بنات الدنيا شبهه)

5-ياااه انتى كنتى فين من زمان يا رتنى كنت عرفتك من زمان

6-يااه يا حبيبتى انتى تؤمرى وانا انفذ اللى انتى عايزاه اجبهولك(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه

وانا بغيييييير بغيييييييييير (طبعا فاهمين الحركات دى مش محتاجه تعليق)

8-هكلم باباكى اول ماكون نفسى(موووووووووووت يا حمااااااااااار)

9-عايز اشوفك كل يوم كل ساعه كل ثانيه (عشان اصحابه يتأكدو انها حلوه)

10-حبيبتى افتكرى دايما انى لما بحب بحب بجد وانا حبيتك(الاسطوانه المعتاده)

11-انا علاقتى بيكى محدش يعرفها غيرى و غيرك و ربنا لانك بقيتى كل

خصوصياتى (يعنى يا دوب اللى يعرفو اخواتى و اصحابى و جرانى وقاريبى

وصحاب صحابى.....الخخخخ)

12-احتمال اسافر الاسبوع الجاى سويسرا ورثت عمتى (وهى عمته اصلا من

كفر ابو بطيخ وماتت من 20 سنه)

13-انا كل عطورى من فرنسا (ايوه كلونيا خمس خمسات اللى انت بتحطها)

14-ياه لما بشوف رقمك على الموبيل قلبى بيتنفض(طبعا من الخضه انها تكون

فأستك)

15-فلان قالى اديله رقمك بس انا قلتله اقتلنى قبل ماتاخد رقها منى

(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اتشاهد فى جمالك واحطها تحت المخده

(لا وهو الصادق عشان لما تتخانقو يهددك بيها)
17-اسف يا حبيبتى امبارح مقدرتش اكلمك كنت مشغوووول فى الدراسه

(قصده معهوش فلووس وكانت حالته كرب وما يتشافش

وما كانش عايزك تشوفيه كده وهو فى الحاله دى)

18-اسف يا حبيبتى انى مقدرتش اجى فى المعاد امبارح كان عندى ظروف صعبه

(معزور الولد افتكر معاد البنت التانيه اللى بقاله 3 اسابيع مأجلها)

19-عارفه يا حبيبتى انا طول الليل منمتش قاعد بفكر فيكى بس على ميين ترد

عليه تقوله اومال مين اللى كان نايم و مبيردش على التليفون؟بس كالعاده الرد

جاهز

(ياااه انتى تقصدى الخمس دقايق اللى نمتهم دوول؟دول من كتر التفكير

فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده < هو بيحور تلاقية قاعد بيكلم اصحابة ولا بينزل افلام ولا حاجة>

.................................................. ........

لازم البنات تاخد بالها وتعرف ان <الحب> مش كلام بس

وربنا معاكم.

دى اول مره اعمل
فيها موضوع عن حورات الشباب
بس يارب تعجبجم