غدر ناس !!

عصفور طل وسألني يا حزن فين البكا محبوس

قلت البكا في القلب والهم مالي النفوس

والاسم نازل مندي للفرح قاطع طريق الخوف

والهمس زاد الألم والحب أصبح طيف

فين الاسم اللي كان في الحزن يمسح دمعك ؟؟!!

ولما تزيد الهموم تلاقيه بيحضن قلبك

راحت وراح معاها الشجن والضحكة والأحلام

وفضلي ورقة وقلم أناجي بيهم أوهام

يا طير وطاير في السما جناحك يهز الريح

تسمع حكاوي ونغم والقلب طفل جريح

أنا كنت سارح زيك في الفضا أود الناس

قابلوني بعتاب وجفا ولا حتى في احساس

أسأل يردوا بخبث واضحك علي استحياء

اخاف أقول يا حجر اسكت لييجي فراق

أصل الحَمَار في الخد يطلع بكلمة لأ

والعين تدمع وتقول يا ناس كفاية حرام

قلبي انفطر ... قلمي انقهر والورقة تشكي ملام

منهم بيطلع دبش يشرخ جدار البيت

والبيت بيصرخ أسى من غدر زيد وعبيد

أنا بيتي كله فولاذ لكن أديني بكيت

والشرخ زاد وارتفع يكسر زوايا البيت

وأنا واقف علي الشباك أنده بعلو الصوت

يا طير بتسأل ليه انزل تعالى وشوف

الناس أهي حواليا تنهش في لحمي بسيف

سيف الخيانة سلاحهم يضرب في كل مكان

أنده بصوت رنان فين أيامنا زمان ؟!

ابعد أديهم هنا وأنت معايا هناك

ردد معايا وقول للزمان ارجع يا زمان

يا طير بتضحك ليه ؟؟!!!

أديك أهو انطخيت ..........