تحريك الكتابه بالنار

المدير العام عدد الرسائل : 7930

المقدمة

تذكرون درس النص الناري
؟؟

اللي ما مر عليه لازم
يتفضل ويضغط على الصورة ،، لان تطبيق درس النص الناري ضروري عشان تقدرون تطبقون هذا
الدرس

طبقوا الدرس وتابعوا معاي خطوات تنفيذ إشعال النص ،، على فكرة
الخطوات سهلة وبسيطة ،، وان شاء الله تتقنونها بسرعة ..

وها الدرس مو منقول
من مكان ،، لكنه إضافة منا على دس النص الناري ،، وان شاء الله يعجبكم

الأمثلة

تحريك الكتابه بالنار DEsh3al1

خطوات الدرس

مراجعة للخطوات
الأخيرة من النص الناري ،،

في الخطوة (15) بنوصل لمرحلة يكون عندنا 3 ليرات ،،

مثل الصورة ..
تحريك الكتابه بالنار DNar23

وقلنا يستحسن ان احنا ندمجهم مع بعض باستخدام
Layers > Flatten Image

تحريك الكتابه بالنار LayerFlatten

عشان نوصل لهاي النتيجة

تحريك الكتابه بالنار DNar24

ــ يكون عندنا لير واحد بس ـــ

الخطوة الأولى:

اللي بنسويه الحين هو نسخ ها اللير ،،
عن طريق Layers > Duplicate layer

الخطوة الثانية:

نشيل علامة العين عن اللير الموجود في الأسفل
،،

سؤال: كيف اشيل
علامة العين تحريك الكتابه بالنار Yey

؟
في بوكس الليرات انقر على العين بواسطة الفأرة ويتنشل على طول

نحدد اللير الجديد
(الموجود في الأعلى) عن طريق النقر عليه بالفأرة حتى يصبح لونه ازرق ،، مثل
ما هو موضح في الصورة ،،

تحريك الكتابه بالنار DEsh3al5

واللي مو ظاهر عنده
بوكس الليرات يروح على
Window ويتأكد من وضح
إشارة صح على كلمة Layers

الخطوة الثالثة:

باستخدام أداة الإصبع
تحريك الكتابه بالنار 9b3

من قائمة الادوات بنمسح على
الالوان بشكل زجزاجي أو متموج لأعلى ــ مثل ما سوينا في االدرس
السابق ،، بس حاولوا انكم ما تون صوب النص وانتوا تستخدمون هاي الاداة ،،
عشان ما نفقد وضوح وأناقة النص

تحريك الكتابه بالنار DEsh3al6

الخطوة الرابعة:

مرة ثانية ننسخ اللير عن طريق:
Layers > Duplicate layer

وبيكون عندنا 3 ليرات ،، ومثل ما هو موضح في الصورة نشيل علامة العين من الليرات
اللي اشتغلنا عليها ــ وانا حطيت مكانها نقط حمرة للتوضيح ــ ونحدد اللير
الجديد

تحريك الكتابه بالنار DEsh3al7

وباستخدام الاصبع
تحريك الكتابه بالنار 9b3

نكرر نفس
الحركة السابقة

ولما نوصل للنتيجة اللي احنا راضين عنها ننتقل للإمج ردي ،،
وللانتقال للامج ردي 3 طرق استخدموا اللي يعيبكم:

الطريقة الاولى: File > Jump To > Adobe ImageReady
الطريقة الثانية: Shft + Ctrl + M
الطريقة الثالثة: هو الانتقال للامج ردي عن طريق الرمز الموجود اسفل قائمة الادوات
مثل ما هو موضح في الصورة

تحريك الكتابه بالنار Imageready

الحين احنا في الامج ردي ،،

بيظهر لنا بوكس مثل هذا ،، لازم نضغط على السهم الموضح في الصورة عشان نظهر باقي
البراوزات ونختار Make Frames From Layers

تحريك الكتابه بالنار DEsh3al8

وبتكون النتيجة كالتالي:
تحريك الكتابه بالنار DEsh3al9

لاحظوا معاي مكان الدايرة الحمرة في الصورة التوضيحية ،، هني نتحكم في الوقت ،،
وانا اخترت sec. 0.1 ،، وانتوا ممكن تخلون الوقت مثل ما هو ،، او انكم تغيرونه مثل
ما تحبون ،، لكن يستحسن ما تستخدمون فترات زمنية طويله عشان الصورة ما تفقد تأثيرها
الناري الفنان

الخطوة الخامسة:

وصلنا للخطوة الاخيرة والمهمة ،، واللي مالنا غناة عنها واللي ...........!!
احم
،، يستحسن ادش في الموضوع على طول ،،
خخخخخخخخخخخخخ

لازم انخزن الابدع اللي سويناه واحنا في الامج ردي نروح لــ :

File > Save Optimized As

تحريك الكتابه بالنار FileSaveOptimized