&&& أصعب فراق &&&

زائر

للفراق اسباب كتير منها اللى بيكون غصب عننا ومنها اللى بيكون بايدينا ودة بيكون اما بايدك او بايد حبيبتك......وف كل الحالات النتيجة واحدة الم وعذاب..لكن فيه عذاب اخف من عذاب وقضا اخف من قضا0
اما اقسى واصعب حالات الفراق ، هوة لما تفارق حبيبتك وانت بتحبها وتبقى عارف انها بتحبك ..وعلشان بتحبها قوى يبقى لازم تسيبها وتسيبك
ازاى؟
اقولك....
لما تلاقى حبيبتك بتحبك بجد وعيزاك انت بس وتوعدك مش هتكون لغيرك وعلشانك تتحدّى كل الظروف وتقاوم وتتحمّل كل حاجة..من اوّل الخلافات مع اهلها لحد الاهانة وكمان الضرب..وبين دة ودة ضغط متواصل كل ثانية على اعصابها بكل الطرق
باختصار واحدة عايشة حياتها جحيم حقيقى...لحد ما تتمنّى الموت واللى فعلا بقى مش بعيد عنها
بس وهيّه بتتمنّى الموت تحلّفّك انك لازم تعيش
وانت وسط كل دة واقف مصلوب عاجز انك تشوفها او حتى تسمع صوتها ..مش خوف من حد ..بس خوف عليها ، لتزوّد عذابها وتعيش كل لحظة وانت بتتقطّع من جواك الف مرة
واكتر شىء يعذبك هوّه احساسك بتعبها وعذابها ، احساسك انك سبب جحيمها بدال ما تكون سبب فرحتها ، وتعيش اسوأ ايام حياتك دا لو كانت دى حياة اللى مافيهاش شمس ولا هوا ولا ميّة ولا نجوم ولا اكل ولا نوم ولا احلام ولا سما ..ولا ورد
ولا بحر ولا طيور ولا امان ولا غنا ولا حتى .....ناس
وحيد ..تبقى وحيد وكل حاجة نقصاك
وكل خلية فى جسمك بتتألم
وكرات دمّك تتحرق ونبض قلبك يقف وضلوعك تغلى وعقلك يتوه واعصابك تنهار وعيونك تبكى دم ...حتى انفاسك مخنوقة
لحد ما خلاص غصب عنك تفقد قوّتك وقدرتك على التحمل
مش ضعف منك
لكن ازااااى؟.....ازاااى؟ ازاى هتتحمّل وانت حبيبتك اللى هيّة سبب قوّتك هيّه نفسها نقطة ضعفك..هيّه جرحك اللى بينزف ومالوش دوا..جرحك اللى بيضغطو بيه عليك
لأنها دراعك اللى بيوجعك وماسكينك منه مش قادر تفك اسرك ولا حتى تقاوم...لانك كل ما تقاوم وتتحمّل
حبيبتك تتعذب ..كل ما تحاول ..حبيبتك تتألم اكتر..كل ما تمشى خطوة ..حبيبتك تدفع تمنها ليالى سودا تعيشها وسط جحيم اهلها
واللى يزوّد جرحك ان مفيش سبب لكل العذاب دة غير انك بتحبها وهيّه بتحبك...انك اخترتها وانها رفضت علشانك واحد تانى اهلها عيزينه ...فتتحوّل المسألة لعند ..والعند يتحوّل اصرار على رفضك ..مهما حاولت ومهما كنت انسان
فيك كل حاجة تخليهم يوافقو...ومهما اغريتهم ومهما وسّطت ناس يكلموهم.....برضه مفيش فايدة
ليه؟
هوّه كدة
واحدة بواحدة
وعند بعند
............
؟؟؟؟؟؟؟؟؟؟؟؟؟؟؟
تبدأ كل الدروب تتسد فى وشك وكل البيبان تتقفل
ماتلاقيش غير باب واحد مفتوحلك .....هوّه باب ربنا
تلجا له..وتدعيله
يقّوى حبيبتك علشان تقوّيك
تدعيله يثبت عقلها ودينها..علشان تقدر انت تثبت
تدعيله يلهمه الحكمة والصبر ...علشان انت تقدر تصبر وتقدر تاخد قرار
وفى الاخر تلاقى روحك بتدعيلها تنساك
ايوة صدقنى.....تبقى كل امنيتك انها تنساك ..او حتى تكرهك..او تقولك خلاص تعبت مش هكمّل
لكن علشان تتعذب اكتر واكتر ..دة ما يحصلش وتفضل مخلصة ليك ومتحمّله علشان ...وانت قصاد دة تتقطّع مليون حتّة
لحد ما توصل لقرار واحد
لازم ترضى بالقسمة والنصيب وقضاء ربنا ولازم تؤمن انها لو ربنا قاسمها ليك يبقى مفيش كلام ولا راد لقضاءه سبحانه وتعالى
وهنا توصل لمفترق الطرق ...خلاص عملت كل شىء بايدك وهيّه عملت كل شىء واكتر...ولازم تلاقى لكل العذاب دة نهاية....لعذابها ولعذابك
وتلاقى روحك رايح لاهلها تقولهم ان كل شىء انتهى وانك هتبعد عنها ...يمكن يرحموها ويسبوها فى حالها...و الغريب انهم يفرحو بدة..والاغرب ان حبيبتك تبقى فهماك وعارفة انت بتعمل كدة ليه
وتكون مسمحاك كمان لانها اصلا مش مصدقة انك ممكن تسيبها او تنساها وتوعدك انها مش هتنساك ولا هتكون لغيرك وهتفضل مستنيه لحظة رجوع....شبه مستحيلة
وتلاقى نفسك بتسمع الكلام دة وانت فرحان وف نفس الوقت وانت بتتعذب....بتتعذب مرتين..مرة لعذابها ..ومرة لعذابك
واللى يخليك تتألم اكتر....انك تلاقيها راضية غصب عنها بالقرار دة انها تبقى عارفة انو غصب عنك انت كمان
وتفارق ..وتفارقك حبيبتك
تفارق وانت عايش بتتمنى لحظة رجوع
تفارق وانت عندك امل مستحيل...مستنى لقا مالهوش ميعاد
وعشان كدة بيبقى الفراق دة .....اصعب
واقسى
فراق

زائر

يااااااااااااااااااااااااه بجد دا كلام حلو اوووي وواقعي

بس ان شاء الله الله يجمع كل قلبين بحبو بعض بصدق

تقبل مروري

roni

زائر

باذن الله
كل قلبين بيحبو بعض بصدق محدش يقدر يفرقم عن بعض
مرسى ليكى يارونى على ردك

زائر

اما اقسى واصعب حالات الفراق ، هوة لما تفارق حبيبتك وانت بتحبها وتبقى عارف انها بتحبك ..وعلشان بتحبها قوى يبقى لازم تسيبها وتسيبك
عندك حق فى كل حرف مش عارفة اقولك ايه يا احمد على مواضيعك تسلم بجد........

زائر

واكتر شىء يعذبك هوّه احساسك بتعبها وعذابها ، احساسك انك سبب جحيمها بدال ما تكون سبب فرحتها ، وتعيش اسوأ ايام حياتك دا لو كانت دى حياة اللى مافيهاش شمس ولا هوا ولا ميّة ولا نجوم ولا اكل ولا نوم ولا احلام ولا سما ..ولا ورد
ولا بحر ولا طيور ولا امان ولا غنا ولا حتى .....ناس
وايدك ياقمر
منوره دايما يارب

زائر

ربنا يخليك........

زائر

تسلم ايدك

زائر

وايدك يادموع

زائر